60 urtetik gorakoei zuzenduta

NAGUSILAN elkarteak bakardadeari buruzko V. Kontakizun Lehiaketa antolatu du, idazketa eta irakurketa sustatzeko eta, aldi berean, herritarrak gai horren inguruan sentsibilizatzeko helburuarekin.

PARTE-HARTZEA

Lehiaketa honetan honako hauek parte hartu ahal izango dute:

• 60 urtetik gorako pertsonek, baldin eta Euskal Autonomia Erkidegoko (EAE) edo Nafarroako Foru Komunitateko udalerriren batean erroldatuta badaude.
• Nagusilan Adinekoen Gizarte Boluntariotza Elkarteko bazkideek —IFK: G20532925—, adina edozein dela ere.
  Ezin izango dute lehiaketan parte hartu lehiaketaren batzorde antolatzaileko kideek, epaimahaikideek eta horien zuzeneko senideek.

LANEN AURKEZPENA

2. Parte-hartzaile bakoitzak gehienez bi lan aurkeztu ahal izango ditu: bat euskarazko modalitatean eta bestea gaztelaniazko modalitatean, kontakizunaren edo testigantza autobiografikoaren kategorian.
Lanak ordenagailuz idatzita aurkeztuko dira, DIN A4 formatuan, eta gehienez 2.500 hitzeko luzera izango dute. Testua lerroarte bikoitzez eta Arial 11 letra-tipoan edo antzeko batean idatziko da.

Norbaitek lana ordenagailuz idazteko aukerarik izango ez balu, antolakuntzak boluntario bat jarriko du haren eskura, eskuz idatzitako lana ordenagailuz transkribatzeko.

Pertsona berak bi lan aurkeztu eta biek sarituak izateko behar besteko puntuazioa lortuz gero, 8. oinarrian aurreikusitako sarietako bakarra jaso ahal izango du.
Epaimahaiak puntuaziorik altuena lortu duen lanari emango dio saria. Beste lanari legokiokeen saria hurrengo lanik onenari emango zaio, epaimahaiak ezarritako puntuazio-hurrenkeraren arabera.

LANEN ORIGINALTASUNA ETA EGILETZA

3. Aurkeztutako lanek bakardadea izan beharko dute ardatz, eta egileak berak idatziak, argitaragabeak eta originalak izan beharko dute.

Ez dira onartuko aldez aurretik saritutako lanak, ezta epaia eman gabe duten beste lehiaketa batzuetara aurkeztutakoak ere.

Parte-hartzaile bakoitzak, bere erantzukizunpean, aurkeztutako lana originala eta argitaragabea dela adierazi eta bermatzen du; egileak berak sortu duela; lan horren jabetza intelektualeko eskubideen titular bakarra dela; eta hirugarrenen eskubiderik urratzen ez duela.
Era berean, lanak adimen artifizialeko tresnen erabilerari buruz 6. oinarrian ezarritakoa betetzen duela adierazten du. Adierazpen horiek ez betetzearen ondorioz sor daitekeen erantzukizuna bere gain hartuko du.

Oinarri hauen ondorioetarako, lan originaltzat hartuko da egilearen berezko sorkuntza dena, hirugarrenen lanik osorik edo zati batean beharrezko baimenik edo erreferentziarik gabe erreproduzitzen ez duena, eta 6. oinarrian ezarritakoaren arabera adimen artifizialeko tresnen bidez sortu ez dena.

LANEN AURKEZPENA

AURKEZTEKO EPEA

4. Lanak 2026ko abuztuaren 15etik azaroaren 15era bitartean aurkeztu ahal izango dira. Epea 2026ko azaroaren 15eko 00:00etan amaituko da.

LANEN AURKEZPENA

5. Lanek izenburua izango dute goiburuan, eta ezizen batez sinatuko dira. Honako bide hauetako bat erabili ahal izango da lanak bidaltzeko:

Bitarteko elektronikoen bidez

Lanak antolakuntzak horretarako prestatutako helbide elektronikora bidaliko dira:
administracion@nagusilan.org

Mezuari bi dokumentu erantsiko zaizkio:

• • Lehenengo dokumentuak lana jasoko du, eta fitxategiaren izena lanaren izenburua izango da.
  • Bigarren dokumentuaren izena goitizena izango da, eta egilearen datu hauek jasoko ditu:
  • Izena.
  • Abizenak.
  • Jaioteguna.
  • NANa.
  • Helbide elektronikoa.
  • Telefono-zenbakia.

Bi lan aurkeztuz gero —bat gaztelaniaz eta bestea euskaraz—, lan bakoitza goitizen desberdin batekin aurkeztu beharko da, dagokion identifikazio-dokumentuarekin batera.

Posta arruntaren bidez

Lanak NAGUSILANen bulegoetara bidali ahal izango dira:
Resurrección María de Azcue kalea, 32, behea 20018 Donostia

Lanaren jatorrizko alea eta bi kopia bidaliko dira, lema edo ezizen batez sinatuta. Horiekin batera, gutun-azal itxi bat aurkeztuko da, egilearen datu hauekin:

• Izena.
• Abizenak
• Jaioteguna
• NANa.
• Helbide elektronikoa.
• Telefono-zenbakia.

Gutun-azalaren kanpoaldean lema edo ezizena eta lanaren izenburua adierazi beharko dira.

Bi lan aurkeztuz gero, lan bakoitza ezizen desberdin batez sinatu beharko da, eta bakoitzak dagokion identifikazio-datuak jasotzen dituen gutun-azal itxia izan beharko du.

ADIMEN ARTIFIZIALEKO TRESNEN ERABILERA

6. Lehiaketa honen helburua egile bakoitzaren sormena eta berezko ahotsa aitortzea da.
Horrenbestez, aurkeztutako lanek parte-hartzaileen sorkuntza literario pertsonalaren emaitza izan beharko dute, eta ezin izango dira, osorik edo zati batean, adimen artifizialeko tresnen bidez sortuak izan.

Epaimahaiak egokitzat jotzen dituen egiaztapen guztiak egin ahal izango ditu lanek baldintza hori betetzen dutela ziurtatzeko. Horretarako, lanen sorkuntza-prozesuari buruzko azalpenak edo beharrezkotzat jotzen dituen bestelako elementuak eskatu ahal izango dizkie parte-hartzaileei.

Egiaztapen horien ondorioz baldintza hori bete ez dela pentsatzeko arrazoizko zantzuak baleude, epaimahaiak lanak lehiaketatik kanpo uztea erabaki ahal izango du.

Lanak aurkezteak berekin dakar egileek, beren erantzukizunpean, lanek baldintza hori betetzen dutela adieraztea.

EPAIMAHIA:

7. Epaimahaia honako hauek osatuko dute:

• Nagusilaneko bi boluntariok.
• Literatura-arloko bi pertsonak.

Irabazleek hurrengo edizioetako epaimahaian parte hartu ahal izango dute.
Epaimahaikideek euskaraz nahiz gaztelaniaz aurkeztutako lanak baloratzeko behar besteko hizkuntza-gaitasuna izango dute.

Beharrezkoa izanez gero, epaimahaiak adituen aholkularitza eskatu ahal izango du bi hizkuntza-modalitateetako lanen ebaluazio egokia bermatzeko. Nolanahi ere, parte-hartzaileen anonimotasuna eta balorazio-prozesuaren inpartzialtasuna une oro bermatuko dira.

Epaimahaiak oinarri hauetan ezarritako baldintzak betetzen dituzten lanak baloratuko ditu, eta 8. oinarrian zehaztutako kategorien arabera hautatuko ditu kontakizun irabazleak.

Lehiaketa saririk eman gabe utzi ahal izango da, eta epaimahaiaren erabakia apelaezina izango da.

SARIAK:

8. Honako sari hauek emango dira:

1. kategoria

Euskal Autonomia Erkidegoan edo Nafarroako Foru Komunitatean erroldatuta dauden 60 urtetik gorako pertsonak:

• Sari bat gaztelaniazko modalitatean.
• Sari bat euskarazko modalitatean.

2. kategoria

Nagusilan Adinekoen Gizarte Boluntariotza Elkarteko bazkideak:

• Sari bat gaztelaniazko modalitatean.
• Sari bat euskarazko modalitatean.
• Parte-hartzaile berak ezin izango du sari bat baino gehiago jaso.

Bi kategorietako sariek honako hauek izango dituzte:

• Garaikurra
• 200 euroko bonua, kultura- eta/edo gastronomia-esperientzia batez gozatzeko.

Horrez gain, puntuaziorik altuena lortzen duten hamar kontakizunak —bost gaztelaniaz eta bost euskaraz— edizio mugatu batean argitaratuko dira. Aldez aurretik, horren berri emango zaie egileei.

Sarituak edo argitaratzeko hautatuak izan diren kontakizunen egileek, lehiaketan parte hartze hutsagatik, Nagusilani baimena ematen diote lan horiek lehiaketarekin lotutako edozein euskarritan erreproduzitu, editatu, argitaratu eta zabaltzeko. Erabilera horrek kultura-, dibulgazio- eta irabazi-asmorik gabeko helburuak izango ditu beti, eta egileak aukeratutako izena edo ezizena adieraziko da.

Baimen horrek ez dakar jabetza intelektualeko eskubideak lagatzea; eskubide horiek egileenak izaten jarraituko dute. Halaber, ez du jasotako sariaz bestelako ordainsari gehigarririk jasotzeko eskubiderik sortuko.

Saria eman ondoren egiaztatuko balitz saritutako lanak oinarri hauetakoren bat urratzen duela, jabetza intelektualeko edo bestelako eskubideak urratzen dituela, edo parte hartzeko betekizunak nahiz egiletzari eta adimen artifizialeko tresnen erabilerari buruzko baldintzak betetzen ez dituela, antolakuntzak honako neurri hauek hartu ahal izango ditu:

• Emandako saria baliogabetzea.
• Lan horri dagokion epaimahaiaren erabakia ondoriorik gabe uztea.
• Hala badagokio, jasotako saria itzultzeko eskatzea.
• Horrek guztiak ez du eragotziko dagozkion bestelako ekintzak gauzatzea.

JAKINARAZPENA ETA LANEN TRATAMENDUA

9. Irabazleei pertsonalki jakinaraziko zaie.
Saria jaso ez duten kontakizunen jatorrizko aleak suntsitu egingo dira, edo egileei itzuliko zaizkie, hala eskatuz gero, lehiaketa ebatzi ondoren.

SARI-BANAKETA

10. Sari-banaketa NAGUSILANek antolatutako ekitaldi batean egingo da, eta eguna, ordua eta lekua behar bezala jakinaraziko dira.

DATU PERTSONALEN BABESA

11. Datuak Babesteko Erregelamendu Orokorrari (DBEO) buruzko 2016/679 (EB) Erregelamenduan eta Datu Pertsonalak Babesteko eta Eskubide Digitalak Bermatzeko 3/2018 Lege Organikoan xedatutakoaren arabera, parte-hartzaileek emandako datu pertsonalak Nagusilan Adinekoen Gizarte Boluntariotza Elkarteak —IFK: G20532925— tratatuko ditu, tratamenduaren arduradun gisa.

Datuen tratamenduaren helburua literatura-lehiaketa hau kudeatzea izango da, honako hauek barne:

• Parte hartzeko baldintzak betetzen direla egiaztatzea.
• Parte-hartzaileekin harremanetan jartzea.
• Epaimahaiaren erabakia jakinaraztea.
• Sari-banaketa kudeatzea.
• Saritutako edo hautatutako lanen argitalpena kudeatzea.

Datu pertsonalak lehiaketa kudeatzeko eta aplikatu beharreko legezko betebeharrak betetzeko behar den denboran gordeko eta tratatuko dira.

Datuak ez zaizkie hirugarrenei jakinaraziko, lege-betebehar bat dagoenean edo lehiaketa garatzeko ezinbestekoa denean izan ezik.
Parte-hartzaileek datuak eskuratzeko, zuzentzeko, ezabatzeko, tratamenduaren aurka egiteko, tratamendua mugatzeko eta datuen eramangarritasunerako eskubideak baliatu ahal izango dituzte, honako helbide honetara idatziz:

Nagusilan Adinekoen Gizarte Boluntariotza Elkartea Resurrección María de Azcue kalea, 32, behea 20018 Donostia

Edo helbide elektroniko honetara idatziz: administracion@nagusilan.org
Mezuaren erreferentzian honako hau adierazi beharko da:
«Nagusilan kontakizun-lehiaketa»

Lehiaketan parte hartzeak berekin dakar datu pertsonalen tratamendua onartzea, oinarri hauetan ezarritako baldintzen arabera.

OINARRIAK ONARTZEA ETA INTERPRETATZEA

12. Lehiaketa honetan parte hartzeak oinarri hauek osorik onartzea dakar.
Antolakuntzak oinarri hauetan aurreikusi ez diren eta sor daitezkeen auzi guztiak ebatziko ditu. Era berean, zalantzarik izanez gero, oinarrien edukia interpretatuko du, honako printzipio hauek une oro bermatuz:

• Objektibotasuna
• Berdintasuna.
• Gardentasuna..
• Lehiaketaren helburuarekiko errespetua.

NAGUSILAN elkarteak eskubidea izango du lehiaketara aurkeztutako kontakizunak argitaratu edo erreproduzitzeko, soil-soilik bere bitartekoak erabiliz eta egileen xehetasunak aipatuz. Egile horien berariazko baimenik izan ezean, NAGUSILAN elkarteak ez ditu aurkeztutako lanak erabiliko elkarteari dagozkion helburuetarako, eta ez dizkie hirugarrenei ere banatuko.

Lehiaketa honetan parte hartzeko bildutako datu pertsonalak NAGUSILAN elkarteak tratatuko ditu, lehiaketa hau modua egokian kudeatzeko eta zure interesekoa izan daitekeen informazioa helarazteko. Partaide eta irabazleen identifikatzeko datu batzuk argitaratuak izan daitezke. Parte hartzaileek bere datu pertsonalak babesteko eskubideak (datuak eskuratzea, zuzentzea, ezabatzea, tratamendua mugatzea, aurka egitea, eta abar) edonoiz balia ditzakete edo gai honi buruzko bestelako edozein eskari egin ere NAGUSILANi zuzenduta. Gure webgunean aurki daiteke “Pribatutasun Politika”n Datuen Babesari buruzko informazio zehatzago aurki daiteke.

Edozein irregulartasun edo arau-hauste gertatuz gero, parte-hartzailea berehala deskalifikaturik geldituko da eta uko egin beharko dio proposatu zaion edozein izendapen edo sariri.

Lehiaketan parte hartzeak berarekin dakar oinarri hauek onartzea.